რა არის ჯავასკრიპტი (javascript)?

ჯავასკრიპტი გამოიგონა Brendan Eich-მა 1995 წელს რათა ვებ-გვერდი გაეხადათ უფრო ინტერაქციული, პირველად ჯავასკრიპტის გამოყენება მოხდა ბრაუზერში სახელად Netscape Navigator

ჯავაკრიპტის შესწავლამდე აუცილებელია, ვიცოდეთ HTML CSS-ის საფუძვლები, რათა სრულფასოვანი ვებ აპლიკაციის აწყობა შევძლოთ.

ასევე აღსანიშნავი ფაქტია, რომ ჯავასკრიპტს არანაირი საერთო არ აქვს პროგრამირების კიდევ ერთ ენასთან ჯავა. უბრალოდ მარკეტოლოგებმა გადაწყვიტეს იმ პერიოდში (და არამარტო) ძალიან პოპულარუ ენის ჯავას სახელი გამოეყენებინათ ახალი ენის პოპულარიზაციისთვის და ასე გაჩნდა ჯავასკრიპტი.

მას შემდეგ რაც ჯავასკრიპტის გამოყენება დაიწყეს სხვა ბრაუზერებმაც, გაჩნდა მოთხოვნა, რომ ჯავასკრიპტის განვითარებას ქონოდა რაღაც სტანდარტები, რის მიხედვითაც კოდი ყველა ბრაუზერში იმუშავებდა ერთნაირად, სწორედ ამიტომ დაადგინეს სტანდარტი ECMAscript.

ჯავასკრიპტის გამოყენებით ჩვენ შეგვიძლია შევცვალოთ HTML დოკუმენტი, ასევე შეგვიძლია ავაწყოთ FullSatck ვებ აპლიკაციები nodejs-ის გამოყენებით.

კომპიუტერში კონკრეტული პროგრამის შესრულების 2 ვარიანტი არსებობს ესენია კომპილაცია და ინტერპრეტაცია.

კომპილაციის დროს სხვა პროგრამის კონკრეტული ინსტრუმენტი კომპილატორი ჩვენს კოდს გარდაქმნის მანქანურ კოდად და ამის შემდეგ ხდება კონკრეტული პროგრამის შესრულება.

ინტერპრეტაცია არის პროგრამის შესრულების მეთოდი, როცა კოდი არ ითარგმნება წინასწარ მთლიანად მანქანის ენაზე, არამედ პროგრამის გაშვებისას სპეციალური ინტერპრეტატორი კითხულობს კოდს ხაზ–ხაზ, თითოეულ ინსტრუქციას ადგილზე თარგმნის და მაშინვე ასრულებს, რის გამოც პროგრამა არ ქმნის ცალკე ბინარულ ფაილს და შეცდომები ჩნდება შესრულების პროცესში, რაც ამ მიდგომას უფრო მოქნილს ხდის, მაგრამ ჩვეულებრივ ოდნავ ნელას კომპილაციასთან შედარებით.

ჯავასკრიპტის შესრულება ხდება ინტერპრეტატორის მიერ, რომელიც ხაზ-ხაზ თარგმნის მანქანურ ენაზე კოდს და არა მთლიანად.

ჯავასკრიპტის კოდის ნიმუში

console.log('Hello World!'); // მოცემული ბრძანება ჯავასკრიპტის კონსოლში დაბეჭდავს ტექსტს Hello World

ჯავასკრიპტის HTML დოკუმენტში გამოსაყენებლად აუცილებელია გამოვიყენოთ <script> თეგი

<script>
    document.getElementById("demo").innerHTML = "My First JavaScript";
</script>

ჯავასკრიტპის ფუნქცია არის კოდის ბლოკი, რომლიც შესრულდება მაშინ, როდესაც მას გამოვიძახებთ, მაგალითად HTML დოკუმენტში რაიმე ღილაკზე დაჭერით.

ჯავასკრიტპის კოდის მიბმა შეგვიძლია მთელს HTML დოკუმენტში, როგორც <head></head> ასევე <body></body> თეგებს შორის

<head> - ის ნიმუში

<!DOCTYPE html>
<html>
<head>
<script>
function myFunction() {
  document.getElementById("demo").innerHTML = "Paragraph changed.";
}
</script>
</head>
<body>

<h2>Demo JavaScript in Head</h2>

<p id="demo">A Paragraph</p>
<button type="button" onclick="myFunction()">Try it</button>

</body>
</html>

<body>-ის ნიმუში

<!DOCTYPE html>
<html>
<body>

<h2>Demo JavaScript in Body</h2>

<p id="demo">A Paragraph</p>

<button type="button" onclick="myFunction()">Try it</button>

<script>
function myFunction() {
  document.getElementById("demo").innerHTML = "Paragraph changed.";
}
</script>

</body>
</html>

ჯავასკრიპტ სკრიპტების წერა HTML დოკუმენტში არ არის სასურველი, ყოველთვის ჯობს ჯავასკრიპტ კოდი დავწეროთ ცალკე .js გაფართოების ფაილში, რომელსაც შემდეგ მივაბავთ ჩვენს დოკუმენტს, ამისთვის გამოიყენება <script> თეგში src ატრიბუტი, რომელშიც ვუთითებთ ჩვენი ჯავასკრიპტის ფაილის მისამართს სამუშაო დირექტორიაში.