Dart: სიები (Lists)

Dart-ში, ისევე როგორც სხვა პროგრამირების ენებში საშუალება გვაქვს ცვლადს მივანიჭოთ ერთის მაგივრად რამდენიმე მნიშვნელობა, სხვა პროგრამირების ენებში მსგავს მონაცემთა ტიპს ეწოდებათ array ე.წ. მასივი, ხოლო Dart-ში ეძახიან List-ს.

მოდი აღვწეროთ list ცვლადი, რომელშიც შენახული იქნება რამდენიმე მნიშვნელობა მაგალითად 1, 2, 3

მაგალითი:

var list = [1, 2, 3];

მოცემულ მაგალითში Dart ავტომატურად ახდენს list ცვლადის ტიპიზაციას, რომელიც გამოისახება შემდეგნაირად

List<int> list = [1, 2, 3]

ინდექსაცია

როგორც სხვა უმარავ პროგრამირების ენაში ასევე დარტშიც list-ის ინდექსაცია იწყება 0 დან, ანუ თუ გვსურს list-ში პირველი ჩანაწერის დაბეჭვდა უნდა გამოვიყენოთ შემდეგი ჩანაწერი:

var list = [1, 2, 3];
print(list[0]) // დაიბეჭდება 1

list-ის სიგრძის გასაგებად გამოიყენება .length ჩაშენებული მეთოდი

მაგალითი:

var list = [1, 2, 3];
print(list.length) // დაიბეჭდება 3

ელემენტის შეცვლა list-ში

წარმოვიდგინოთ ასეთი შემთხვა, რომ გვინდა list ცვლადში 3-იანს მივანიჭოთ სხვა მნიშვნელობა მაგალითად 10, ვინაიდან list ცვლადი არის var ტიპის ჩვენ ამისი საშუალება გვექნება შემდეგნაირად

var list = [1, 2, 3];
list[2] = 10;
print(list[2]) // დაიბეჭდება 10

თუ გვინდა მსგავსი მინიჭებისგან თავი დავიზღვიოთ, ან ვიცით რომ list-ის ელემენტების მოდიფიკაცია არ გვჭირდება ასევე შეგვიძლია გამოვიყენოთ const საკვანძო სიტყვა [] სიმბოლოების წინ.

მაგალითი:

var list = const [1, 2, 3];
list[2] = 10; // დაფიქსირდება შეცდომა