Dart: შესავალი

ვებ დეველოპმენტში დიდი დროის გატარების შემდეგ გადავწყვიტე გავარჩიო mobile დეველოპმენტი, კერძოდ flutter რომელიც საშუალებას გვაძლევს მრავალპლატფორმული დეველოპმენტის (cross-platform development).

რა არის cross-platform development?

როგორც მოგეხსენებათ დღესდღეობით ბაზარზე გვაქვს 2 ძირითადი ოპერაციული სისტემა Android და IOS, მობილური აპლიკაციების დასაწერად.

იმისთვის რომ ჩვენ აპლიკაცია დავწეროთ ორივე პლატფორმისთვის საჭიროა საერთოდ სხვადასხვა ტექნოლოგიების შესწავლა. Android სისტემისთვის საჭიროა შევისწავლოთ Cotlin ხოლო IOS-სთვის საჭიროა შევისწავლოთ Swift პროგრამირების ენები.

შესაბამისად ერთი აპლიკაციის დასაწერად ორივე პლატფორმისთვის რეალურად ორმაგი შრომა და რესურსია ჩასადები.

flutter გუგლის მიერ შექმნილი framework-ია რომელიც საშუალებას გვაძლევს ერთი კოდის პრინციპით დავწეროთ აპლიკაცია, რომელიც იგივენაირად იმუშავებს, როგორც Android ასევე IOS ოპერაციულ სისტემებზე.

მარტივად რომ ვთქვათ ჩვენი კოდი flutter-ის მიერ გადაითარგმნება Cotlin-ზე და Swift-ზე ავტომატურად, რაც აგვარიდებს ზედმეტ შრომას.

რა არის Dart პროგრამირების ენა?

როგორც ზემოთ ავღნიშნე flutter არის framework, შესაბამისად სანამ მის გამოყენებას გადავწყვეტთ აუცილებელია ვისწავლოთ ენა, რომელზეც მოცემული framework მუშაობს.

სწორედ ეს ენაა Dart, რომელიც შექმნილია ასევე google-ის მიერ.

სანამ ენის გამოყენებას გადავწყვეტთ აუცილებელია Dart SDK-ის ინსტალაცია ჩვენს ლოკალურ მანქანაზე, რომელიც საშუალებას მოგვცემს გავუშვათ dart-ზე დაწერილი კოდი.

ინსტალაციისთვის გირჩევთ გაეცნოთ მისი დაყენების ინსტრუქციას თქვენი ოპერაციული სისტემის მიხედვით მოცემულ ბმულზე

Dart ენა არის მკაცრად ტიპიზირებული ენა, რომელიც საშუალებას გვაძლევს თავიდან ავირიდოთ შეცდომები ცვლადების ან მეთოდების აღწერისას, მაგრამ ასევე გვაქვს ე.წ. dynamic ტიპი, რომელიც შეგვიძლია მივანიჭოთ ცვლადს და სისტემა კოდის გაშვებისას ავტომატურად მიხვდება თუ რა ტიპის ინფორმაციას ინახავს ის მისი მნიშვნელობიდან გამომდინარე.