გამოწერაგამოწერა
სანამ თქვენს პირველ სამსახურს იპოვით, დეველოპმენტის სფეროში, აუცილებელია გამოიმუშავოთ რეალურ პროექტებთან მუშაობის უნარი, რაც გულისხმობს ჩვენი დროის და დავალებების მენეჯმენტს.
პირველი რაც ყველაზე მნიშვნელოვანია, აუცილებელია გავიაზროთ, რომ კომპლექსური პროექტები 1 დღეში არ კეთდება და მისი დეველოპმენტი ხანდახან ათწელეულებიც გრძელდება.
როდესაც წარმატებით დაასრულებთ პროგრამირების კურსებს ნებისმიერი პლატფორმის/ვიდეო გაკვეთილის დახმარებით დროა ნელ-ნელა მიეჩვიოთ პროექტის დაგეგმვას.
დღევანდელ ბლოგში შევეცდები აგიხსნათ თუ როგორ უნდა მოვახდინოთ პროექტის დაშლა მიკრო დავალებებად და მისი შესრულების თანმიმდევრობები.
სანამ ჩვენი პროექტის მიკრო დავალებებად დაშლას შევუდგებით აუცილებელია ავარჩიოთ აპლიკაცია, რომელიც დაგვეხმარება მის შემდგომ მართვაში.
ასეთი ე.წ. "task managment"-ის აპლიკაციები საკმაოდ ბევრია, მაგალითისთვის შემიძლია მოვიყვანო რამდენიმე მათგანი :
ზემოთ მოცემული სიის გარდა კიდევ უმრავი მსგავსი აპლიკაცია არსებობს, მაგრამ მე შევეცდები დღეს trello-ს მაგალითზე აგიხსნათ.
ტრელოზე რეგისტრაციის გავლის შემდგომ აუცილებელია შევქმნათ ჩვენი პირველი ე.წ. "board" რომელიც იქნება პროექტის სპეციფიკაზე მორგებული, მაგალითად შეგვიძლია დავარქვათ "დეველოპმენტი".
მას შემდეგვ რაც დავასრულებთ "board"-ის შექმნას, აუცილებელია შევქმნათ დავალების სიები, რომლებიც დაგვეხმარებიან მათ მენეჯმენტში.
თანამედროვე კომპანიების უმეტესობა, რომლებიც ბაზარზე პოზიციონირებენ, ძირითადად იყენებენ ე.წ. Agile მიდგომას კომპანიაში დეველოპმენტისთვის და არა მარტო...
პირადად მე ვიყენებ შემდეგი დავალებების სიებს:
ქვემოთ ვეცდები აღვწერო თუ რომელი რაში გამოიყენება და როგორ მიმდინარეობს დეველოპმენტის პროცესი.
მოცემულ სიაში აუცილებელია მაქსიმალურად ვეცადოთ ჩვენი პროექტი დავშალოთ პატარა ნაწილებად, მაგალითად წარმოვიდგინოთ, რომ გვაქვს ვებ-გვერდი, რომელიც შედგება 4 გვერდისგან:
დასაწყისისთვის შეგვიძლია ბექლოგის სიაში დავამატოთ დავალებები ამ გვერდების შექმნის შესახებ იგივე თანმიმდევრობით.
მოცემულ სიაში ასევე ვამატებთ იმ ყველა იდეას ან სურვილს, რომელიც გვინდა პროექტში განვახორციელოთ, ასევე აუცილებელია ყველა დავალებას მივანიჭოთ შესაბამისი გონივრული ვადა და პრიორიტეტი.
კომპანიები თავისი მოთხოვნიდან გამომდინარე აწესებენ კონკრეტული დაველებებისთვის შესასრულებელ გონივრულ ვადებს, მაგალითისთვის წარმოვიდგინოთ, რომ 1 კვირის შუალედში დასასრულებელი გვაქვს მთავარი და დეტალური გვერდები.
სწორედ ამისთვის გამოიყენება to do სია. დაველებები რომლებზეც 1 კვირის განმავლობაში ვიმუშავებთ აუცილებელია გადავიდეს backlog-იდან to do სიაში.
ბუნებრივია ერთდროულად არ შეგვიძლია 2 დავალებაზე მუშაობა, შესაბამისად, დავალება რომელზეც ამჟამად ვმუშაობთ, აუცილებელია გადავიტანოთ in progress სიაში.
მოცემული სია ასევე ეხმარება მენეჯმენტის გუნდს იმის გაგებაში, თუ რაზე მუშაობს დეველოპერი.
მას შემდეგ რაც დავალებას წარმატებით დავასრულებთ, აუცილებელია მისი ტესტირება, რომელსაც ტესტერი შეასრულებს.
დასრულებული დავალება გადადის QA სიაში და იწყება მისი ტესტირება.
იმ შემთხვევაში თუ დავალებამ ვერ გაიარა ტესტირება, ტესტერი QA სიიდან დავალებას QA failed-ში გადმოიტანს და ჩვენ ვიწყებთ დავალების პრობლემის გამოსწორებას და ვიმეორებთ იგივეს, ანუ დავალება ისევ გადაგვაქვს QA სიაში.
მოცემულ სიაში დავალებები გადადის იმ შემთხვევაში, თუ მან ტესტირება წარმატებით გაიარა და მზადაა რეალურ გარემოზე ასატვირთად.
როგორ წესი, done-ში დავალებები გადააქვს ტესტერს, რაც გულისხმობს იმას, რომ ჩვენი დავალება წარმატებით შევასრულეთ.
